«Virtual olam» da Konstitutsiya kerakmi?
– Qanday tartibni buzdim? Men Internetdaman-ku?
– Nima bo’libdi? Аxir Internet tarmog’ida qonun – qoidalar bo’lmaydi, deb kim aytdi?
Haqiqatdan ham Internet insonlar ongida go’yo real olamdagi hech qanday qonun – qoidalar amalga oshmaydigan parallel olam sifatida mustahkam o’rin olmoqda. Real olamda nimaiki sodir bo’lsa, (ba`zan sodir bo’lmagan, biroq bo’lishi mumkin bo’lgan) ularning barchasi Internetda ham mavjud. SHubhasiz, Internet – bu cheksiz bilimlar bulog’idir. Unda nimalar yo’q, deysiz! Undan Oksfordga o’qishga kirish bo’yicha axborot olish mumkin. Shuningdek, Internet uydan ko’chaga chiqmagan holda taniqli professorlar tomonidan tahsil olish imkoniyatini beradi. Istasangiz, Kembrijning elektron kutubxonasiga kirib, kerakli kitobni «oling» va bemalol o’qiyvering. Internet buni amalga oshirishning imkonini beradi.