11 avgust kuni O‘zbekiston Badiiy akademiyasining “Xamar” ko‘rgazmalar zalida mamlakatning yetakchi bezatuvchilari eng yaxshi degan nomni qo‘lga kiritish uchun tanlovda ishtirok etdilar.
Mazkur voqeani sharhlar ekan, loyiha menejeri Aleksandra Maksumova shunday dedi: “Biz festivalni qo‘llab-quvvatlaganliklari uchun “Bilayn”ga minnatdorchilik bildiramiz. Tanlov haqiqatan ham ishtirokchilar hamda ko‘plab tamoshabinlar uchun yorqin voqeaga aylandi. Anjuman yuqori darajada o‘tdi va biz kelajakda hamkorlikni davom ettirishga umid qilib qolamiz”.
Tanlov natijalari bo‘yicha “Yilning eng yaxshi bezatuvchisi” unvoniga yig‘ilganlarni chiqayotgan quyosh fonidagi koloritli surat bilan lol qoldirgan “M-SHAR” jamoasi sazovor bo‘ldi.
“Bu kabi yorqin ijodiy tadbirlarda ishtirok etganligimizdan xursandmiz, – qayd qildi “Unitel”ning Jamoatchilik bilan aloqalar xizmati Katta menejeri Oraz Abdurazakov. – Hamma ishlar o‘ziga xos jozibador edi va ularning har biri tomoshabinlarga quvonch baxsh etdi. Tashkilotchilarga kompozitsiyalarning bir qismini Markaziy ofisimizga olib ketishga ruxsat berganliklari uchun alohida minnatdorchilik bildiramiz. Abonentlarimiz bezatuvchilarning mualliflik kreativlarini muvofiq baholashga ulgurdilar”.
Manba: Kompaniya matbuot-ma’lumotnomasi
