2011 yil mart-aprelida “Bilayn”ning ta’lim loyihalarida ishtirok etish istagini bildirgan 6 ta universitet va institut ma’muriyati bilan muzokaralar o‘tkazildi. Har bir oliygoh uchun barcha kurs va fakultet talabalariga mo‘ljallangan umumiy fan tanlanib, uning doirasida testlar tayyorlandi.
“Bu biz uchun oliygohlar bilan interaktiv hamkorlik qilisda birinchi tajriba hisoblanadi, – deydi “Unitel”ning Jamoatchilik bilan aloqalar xizmati Katta menejeri Oraz Abdurazakov. – Hozirdan ko‘rinadiki, tajriba muvaffaqiyatli amalga oshdi va bizni qo‘llab-quvvatlagan TATU, O‘zDJTU, Moliya instituti va boshqa oliygohlar rahbariyatidan minnatdormiz. Aminmizki, “SMS-Olimpiada” loyihasi keyingi o‘quv yilida ham o‘ziga xos o‘rinda davom etadi va rivojlanadi”.
14 dan 28 aprelga qadar SMS-Olimpiadada ishtirok etayotgan oliygoh talabalari aniq prefiksli “Bilayn” raqamlariga ulangan bo‘lib, 3 may kuni ertalab ushbu raqamlarga tanlovning birinchi bosqichi savollari jo‘natildi. Uning natijalari bo‘yicha finalistlar aniqlanib, ular uchun qo‘shimcha SMS-test o‘tkaziladi. Testlarga hammadan oldin to‘g‘ri javob qaytargan SMS-Olimpiada g‘oliblari (har bir oliygohdan bittadan vakil) kompaniyadan pullik mukofotga ega bo‘ladilar.
Manba: Kompaniya matbuot-ma’lumotnomasi