Tadbirda axborot texnologiyalari sohasida 34 innovatsion loyiha taqdim etiladi.
Yarmarka doirasida yuqorida qayd etilgan loyihalarni qo’llab-quvvatlash va joriy etish maqsadida O’zbekiston radiotexnika, elektronika va aloqa ilmiy-texnkiaviy jamiyati tomonidan «Innovatsiyaviy loyihalar» materiallar to’plami chop etilgan.
To’plamdan «E-Hujjat», «CADASTRE-INFO» axborot-kadastr tizimi», «DOPPIX LINUX 2008 EDU – LINUX asosidagi erkin va ochiq amaliyot tizimi», «Tahliliy kurer» matnlardan bilimlarni terib olish tizimi», «G’ujjatlar to’plamini boshqarish tizimi» va «X-FILES», «Ob’ektlarning radiochastotali identifikatsiyalash bo’yicha dasturiy-texnik kompleks» va boshqalar o’rin olgan.
Loyiha mualliflari safida «Koinot» OAJ, Ilmiy-texnik va marketing tadqiqotlari markazi, Toshkent axborot texnologiyalari universiteti, Yosh dasturchilarni tayyorlash va qo’llab-quvvatlash markazi, Respublika axborot-kutubxona markazi, shuningdek, «Inteligent Solutions» MChJ, «USD Micros», «NetDec», «BAIK Technologies» MChJ, «ITECO TASHKENT» va boshqa AT-kompaniyalar bor.
To’plam nafaqat axborot-kommunikatsiya texnologiyalari sohasida, balki iqtisodiyot, sanoat va ta’limning boshqa sohalaridagi olim va mutaxassislar o’rtasida innovatsion loyihalarni sinovdan o’tkazish imkonini beradi.
