Infocom.uz


Jurnalga maqolalarni taqdim etish shartlari

“Raqamli iqtisodiyot” ilmiy-elektron jurnaliga taqdim etiladigan maqolalar quyidagi talablarga javob berishi shart:

Muallif yoki mualliflar tomonidan taqdim etilayotgan maqola mavzusi quyidadagi yo‘nalishlardan biriga mos kelishi shart:

  • Elektron tijorat;
  • Elektron hukumat;
  • Axborot tizimlari;
  • Raqamli modellashtirish va prognozlash;
  • Raqamlashtirishni baholash;
  • Logistika;
  • Blokcheyn;
  • Kriptovalyuta;
  • Sun’iy intellekt;
  • Raqamli transformatsiya;
  • Raqamlashtirish bo‘yicha xalqaro reyting indekslarining qiyosiy taqqoslashlari. Shuningdek, raqamli iqtisodiyotga oid boshqa mavzular
    bo‘yicha maqolalar qabul qilinadi.

Maqolalar ilmiy-tadqiqot natijalari, ilmiy asoslangan dalillar va ma’lumotlardan iborat bo‘lishi  va ilmiy adabiyotlar tahlilini o‘zida aks ettirishi shart.

Maqolalar o‘zbek, rus, qoraqalpoq yoki ingliz tillarida taqdim etilishi mumkin.

Maqola quyidagi tartibda Microsoft Word muharriri yordamida shakllantiriladi:

  • varaq formati: A4;
  • varaqning yo‘nalishi – kitob shakli;
  • maydonlar:
    yuqori va pastdan – 2 sm;
    chapdan – 3 sm;
    o‘ngdan – 1,5 sm.
  • Times New Roman shrifti;
  • shrift hajmi – 14 kegl;
  • qator oralig‘i – 1,15;
  • kenglik bo‘yicha tekislash;
  • hatboshi – 1,25 sm.


Maqolaning
hajmi:

  • maksimal – 16 bet;
  • minimal – 6 bet;

 

Taqdim etilayotgan maqolalar IMRAD talabi asosida o‘zbek tilida bo‘lsa qat’iy ravishda lotin alifbosida qabul qilinadi va quyidagi qismlarni o‘z ichiga olishi lozim:

                                                                                                                     
                                                                                                                    MAQOLANING MAVZUSI

                                                    (Times New Roman bosma shaklda 14 o‘lchamda qalin, katta harfli formatda o‘rtada joylashishi lozim. O‘zbek,                                                                                                                                        rus va ingliz tillarida)

                                                                                                              Muallifning familiya, ismi va sharifi

                                                                       (Times New Roman bosma shaklda 14 o‘lchamda qalin, o‘rtada joylashishi lozim. O‘zbek,                                                                                                                                                             rus va ingliz tillarida)

                                                                                                                                  Ish joyi va lavozimi

                                                                                   (Times New Roman 14 o‘lchamda kursiv, o‘rtada joylashishi lozim. O‘zbek,                                                                                                                                                                            rus va ingliz tillarida)

                                                                                                                               Elektron manzil (e-mail)

                                                                          (Times New Roman 14 o‘lchamda tagi chizilgan matn, o‘rtada joylashishi lozim)

        Annotatsiya: Maqola annotatsiyasi 5-7 qatordan iborat bo‘lib, o‘zbek, rus va ingliz tillarida yozilishi lozim. Annotatsiya maqolada ko‘tarilgan masala, uning dolzarbligi, masalaning yechimi uchun foydalanilgan uslubiyat, masalaning yechimi, muallifning ilmiy va amaliy hissasi haqida qisqacha ma’lumotlarni o‘z ichiga oladi.( Times New Roman 14 o‘lchamda, kenglik bo‘yicha tekislash lozim, xatboshi 1,25 sm. O‘zbek, rus va ingliz tillarida)

         Kalit so‘zlar: Maqolaning mazmunini ochib beruvchi kamida 7 ta so‘zni o‘z ichiga oluvchi so‘zlardan iborat bo‘lishi lozim. Kalit so‘zlar ham o‘zbek, rus va ingliz tillarida har bir annotatsiyadan so‘ng yozilishi kerak. (Times New Roman 14 o‘lchamda kursiv, kenglik bo‘yicha tekislash lozim, xatboshi 1,25 sm. O‘zbek, rus va ingliz tillarida)

            KIRISH (katta harflarda Times New Roman bosma shaklda 14 o‘lchamda)
        Maqolaning kirish qismida maqolada ko‘tarilgan muammo, uning tavsifi, maqolada tadqiq qilingan masalaning tanlanish sababi, asoslari, uning dolzarbligi va ilmiy yangiligini o‘zida aks ettirishi lozim.

            ADABIYOTLAR TAHLILI (katta harflarda Times New Roman bosma shaklda 14 o‘lchamda)  
       Bu bo‘limda tahlil etilgan adabiyotlar yoritiladi. Adabiyotlar tahlili va metodologiya qismida kichik sarlavhalar mavjud bo‘lsa, 14 o‘lchamda, qalin, Times New Roman bosma yozuvida, alohida xatboshiga ajratib yoziladi.

            TADQIQOT METODOLOGIYASI (katta harflarda Times New Roman bosma shaklda 14 o‘lchamda)   
            Mazkur bo‘limda ilmiy maqola mavzuiga oid natija olishdagi metodlar va  metodologiya haqida fikr yuritiladi.

            MUHOKAMA VA NATIJALAR (katta harflarda Times New Roman bosma shaklda 14 o‘lchamda)
          Bu bo‘limda maqoladagi adabiyotlar tahliliga ko’ra turli  muallifalarning va shaxsiy natijalari  solishtirib muhokama qilinadi.             Ushbu bo‘limda maqolaga oid bo‘lgan natijalar (jadvallar, grafiklar, diagrammalar va boshqalar) berilishi mumkin.

            XULOSA VA TAKLIFLAR (katta harflarda Times New Roman bosma shaklda 14 o‘lchamda)
            Bu bo‘limda maqolaning tugallangan xulosasi va takliflar keltiriladi.

           FOYDALANILGAN ADABIYOTLAR RO‘YXATI (katta harflarda Times New Roman bosma shaklda 14 o‘lchamda)
        Mazkur bo‘limda foydalanilgan adabiyotlar ro‘yxati shakllantiriladi. O‘rganilgan adabiyot yoki manbaning muallifi, mavzusi, chop etilgan yili va joyi, nashriyot va qo‘llanilgan betlari ko‘rsatilshi kerak. Quyida turli manbalar uchun shakllantirish talabi keltirilgan.

       Jurnal uchun:

  1. Axmedov B.I., RAQAMLASHTIRISH DAVRIDA ELEKTRON TIJORATNING RIVOJLANISHI.  “Raqamli iqtisodiyot” ilmiy-elektron jurnali, Toshkent, 2023y – №2 – B. 7-9.

       Vebsaytlar

  1. Barduhn, S. (2014). Developing cross-cultural awareness in the monolingual classroom. Teaching English, British Council, BBC. https://www.teachingenglish.org.uk/article/developing-cross-cultural-awarenessmonolingual-classroom-0

      Kitob uchun

  1. Karimov O.M. Raqamli iqtisodiyot – T.: Sharq, 2018. – bet 234.

Maqolada qo‘llaniladigan rasmda foydalanilgan adabiyot havolasi (manba) ko‘rsatiladi va quyidagi ko‘rinishda bo‘ladi:

                                                                                             1-rasm. Rasm nomi [1]

Jadval raqamlanishi yuqori chap qismda, nomlari jadvalning yuqori qismida bosma harflarda, shu bilan birgalikda ularning manbasi aniq ko‘rsatilishi lozim.

                                                                                                                                                                          1-jadval

                                                                                            Jadval nomi  [1]

Sarlavha 1Sarlavha 2Sarlavha 3
1MatnMatnMatn
2MatnMatnMatn

O‘rnatilgan talablar asosida rasmiylashtirilmagan va maqola mazmuni mavzuga mos kelmaydigan maqolalar tahririyat

tomonidan ko‘rib chiqilmaydi va qaytarilmaydi.

Keltirilgan talablar yakuniy emas, Tahririyat ba’zi maqolalar yuzasidan qo‘shimcha ma’lumot so‘rash hamda  maqolani qo‘shimcha ravishda
taqrizga taqdim etishi va ushbu taqriz natijalari asosida maqolani chop etish masalasi bo‘yicha tegishli qaror qabul qilish huquqiga ega.

Maqolani chop etishga taqdim etish shartlari:

Maqolalar info@infocom.uz elektron pochta yoki @DiEconomy telegram manziliga yuboriladi. Maqola qabul qilingan kundan boshlab o‘n (10) ish kuni ichida ko‘rib chiqilib kamchiliklar aniqlangan holda, maqola qayta ishlashga yuboriladi. Maqola talablar doirasida shakllantirilgan bo‘lsa nashr uchun qabul qilinadi.

Maqolaning asosida matnning kamida 55% muallifning shaxsiy izlanishlari natijasiga asoslanishi lozim (topshirilgan maqolalar antiplagiat uchun tekshiriladi).

Maqola boshqa ilmiy jurnallarda ilgari chop etilmagan, ko‘chirilmagan va boshqa muallifning maqolasi o‘zlashtirilmagan bo‘lishi kerak.

Muallif maqolada keltirilgan ma’lumotlar uchun shaxsan javobgar hisoblanadi, tahririyat maqolada keltirilgan ma’lumotlar uchun javobgarlikni
o‘z zimmasiga olmaydi. Mualliflik huquqiga rioya etish talab qilinadi.

Savol, taklif va murojatlar yuzasidan:
Elektron manzil: info@infocom.uz 
Telefon raqam: +99855 501-03-02 (27) orqali murojaat qilishingiz mumkin.

Jurnal, O‘zbekiston Respublikasi Oliy ta’lim, fan va innovatsiyalar vazirligi huzuridagi OAK  Rayostaning 2023-yil 29-dekabrdagi 347/5-son qarori bilan 08.00.00 – “Iqtisodiyot fanlari” tarmoqlari bo‘yicha tan olingan milliy ilmiy jurnallar sirasiga kiritilgan. Bu esa o‘z navbatida, yuqoridagi ixtisoslik bo‘yicha tahsil olayotgan mustaqil izlanuvchilar va doktorantlarga bevosita xizmat qiladi.

Yuklab olish

"Raqamli iqtisodiyot" ilmiy-elektron jurnali maqola talablari

Scroll to Top