GPRS-rouming xizmatlarini ko‘rsatish bo‘yicha “Wind” (Italiya), “O2” (Buyuk Britaniya), “PCCW” (Gonkong), “Cable&Wireless” (Panama), “Mobitel” (Bolgariya), “Vodafone” (Malta) “DoCoMo Pacific” (Guam) kompaniyalari bilan shartnoma imzolandi. Bundan tashqari, endlikda “Bilayn” abonentlariga “Telecel” tarmog‘ida (Markaziy Afrika Respublikasi) ham ovozli rouming taqdim etiladi.
Mazkur voqeani sharhlar ekan, “Unitel” MCHJ Texnik direktori Anton Golikov shunday dedi: “Mobil Internet” bizni hayotimizda mustahkam o‘rnashdi va ko‘plab mijozlarimiz safar paytlarida bundan voz kechishni istamaydilar, kecha olmaydilar ham. “Bilayn” O‘zbekistonning yetakchi rouming-operatori sifatida bu borada imkoniyatlarni maksimal darajada kengaytirishga harakat qilgan holda, dunyoning turli qismlaridan yangi hamkorlarni izlashda davom etmoqda”.
Eslatib o‘tamiz, “Unitel” abonеntlari uchun noyob CAMEL-rouming xizmati mavjud, ya’ni $50 li kafolatli to‘lovsiz, abonеnt balansi $0 ga kеlmaguncha har qanday musbat balansda rouming xizmatidan foydalanish mumkin. Hisobdagi mablag‘ esa rеal vaqtda yеchilib boriladi. CAMEL-roumingni aktivlashtirishga hojat yo‘q, chunki u tеlеfonda avtomatik ravishda yoqilgan. Bu xizmat turidan oldindan to‘lash to‘lov tizimida bo‘lgan abonеntlar-jismoniy shaxslar, hisobda har qancha musbat qoldiq mavjudligida, foydalanishlari mumkin.
Manba: Kompaniya matbuot-ma’lumotnomasi
