Video uzatish xizmatlari statistikasi

Video uzatish rivojlanayotgan sanoat bo‘lib, bozor 2028-yilga kelib 223,98 milliard dollarga yetishi kutilmoqda. Dunyo bo‘ylab musiqa strimingi obunachilari soni tez sur’atlar bilan o‘sib, Spotify barcha uzatishlar obunachilarining 30% dan ortig‘i bilan yetakchilik qilmoqda. Umuman olganda, 2022-yil iyun oyida strimingdan foydalanish 7,7 foizga oshdi, Netflix esa 16,3 foizga eng katta o‘sishga erishdi.

• 2023-yilda video uzatish bozoridagi daromad 95,88 milliard dollarga yetishi kutilmoqda.
• Daromadning yillik o‘sish sur’ati (2023-2027-yillar oralig‘ida) 9,47% ni ko‘rsatishi kutilmoqda, natijada 2027-yilga kelib prognoz qilingan bozor hajmi 137,70 milliard dollarni tashkil qiladi.
• Global taqqoslaganda, eng ko‘p daromad AQShda (2023-yilda 39 250,00 million dollar) olinadi.
• Video uzatish bozorida har bir foydalanuvchining o‘rtacha daromadi
  2023-yilda 73,51 AQSh dollarini tashkil qilishi kutilmoqda.
• Video uzatish bozorida foydalanuvchilar soni 2027-yilga kelib 1,6 milliard foydalanuvchini tashkil etishi kutilmoqda.
• 2023-yilda foydalanuvchilar soni oshishi 17%ni tashkil qilmoqda va
• 2027-yilga kelib 20,7%ni tashkil qilishi kutilmoqda.

Amerika Qo‘shma Shtatlaridagi video uzatish statistikasi:

• Amerikaliklar kuniga o‘rtacha 13 soatu 11 daqiqani raqamli media uzatish platformalaridan foydalanishadi.
• AQShdagi barcha uy xo‘jaliklarining 78 foizi kamida bir yoki bir nechta uzatish xizmatlariga obuna bo‘lgan.
• Netflix hanuzgacha 231 million obunachi bilan video striming xizmatiga eng ko‘p obuna bo‘lgan kompaniya sifatida yetakchilik qilmoqda.
• 82 million amerikalik talab bo‘yicha musiqa striming xizmati uchun oyiga o‘rtacha 10 dollar to‘laydi va Spotify bu borada ustunlik qiladi.
• Iste‘molchilarning video o‘yinlar oqimiga bo‘lgan qiziqishi foydalanuvchilar orasida tez o‘sib bormoqda va bu yiliga 9,3 milliard dollarlik sanoatdir.

Global video uzatish platformalari orasida Netflix, Prime Video va Disney + ommabopligi bo‘yicha yetakchilik qilishadi. Ularning videolari milliardlab marta ko‘rilgan. 2022-yilning eng ko‘p ko‘rilgan seriallari Netflixning Stranger Things, Ozark, Cobra Kai, Wednesday, and Bridgerton tv seriallari hamda Prime Videoning The Boys va The Rings of Power seriallari hisoblanadi. Eng ommabop videofilmlar borasida Disney + monopoliya o‘rnatgan desak mubolag‘a bo‘lmaydi. Encanto, Turning Red, Moana, Frozen II va Hocus Pocus 2 kabilar ushbu kompaniya mahsulotlari sanaladi. Bu borada Netflix kompaniyasi Don’t Look Up, Sing 2, The Gray Man, The Adam Project va Uncharted filmlari bilan 2-o‘rinni egallagan.

TikTok 2022-yilda eng mashhur ko‘ngilochar mobil ilovaga aylandi. U bu borada YouTubeni ortda qoldirdi. TikTok iste’mol qilish xarajatlari bo‘yicha raqiblaridan ancha o‘zib ketdi va 6 milliard dollarga yetgan ikkinchi ilovaga aylandi (Tinderdan keyin). Ushbu ilova AQShda har bir foydalanuvchidan oyiga 0.85 dollar mablag‘ jamg‘aradi.