Bu yerda “Koinot” ishlab chiqarish korxonasida tayyorlangan zamonaviy raqamli telefon stansiyasi ishga tushirildi. Bu esa turli xorijiy mamlakatlar bilan bog‘lanish imkonini beradi.
– 2010 yilgacha tuman hududida yana uchta ana shunday stansiya o‘rnatiladi, – deydi “O‘zbektelekom” aksiyadorlik kompaniyasi “Sirdaryotelekom” filiali tuman bog‘lanmasi boshlig‘i J.Sultonov. – Maqsadimiz tumanimizda istiqomat qilayotgan 55 mingdan ziyod aholiga aloqa xizmati ko‘rsatish sifatini yanada yaxshilashdan iborat.